Fyrsta íslenska sólarvörnin

Dóttir Skin fékk nýverið umfjöllun í Viðskiptablaðinu þar sem fjallað er um að Dóttir Skin hafi sett á markað fyrstu íslensku sólarvörnina — mikilvægan áfanga fyrir fyrirtækið og íslenskan snyrtivöruiðnað.

Þessi áfangi endurspeglar þá vegferð sem Dóttir Skin hefur verið á frá upphafi; að þróa vörur sem byggja á gæðum, virkni og trausti, með þarfir viðkvæmrar húðar að leiðarljósi.

Sólarvörnin er 100% steinefnasólarvörn, ilmefnalaus og hönnuð til að veita breiðvirka UVA og UVB vörn án málamiðlana. Hún er jafnframt mjög vatns- og svitaþolin og hentar vel til daglegrar notkunar, hvort sem er í íslenskum aðstæðum eða í mikilli sól erlendis. Fyrir okkur er þetta ekki aðeins ný vara — heldur skref í átt að því að byggja upp íslenska nálgun í húðvörum, þar sem einfaldleiki, virkni og virðing fyrir húðinni fara saman.

Að sjá þessa vinnu fá umfjöllun í Viðskiptablaðinu er bæði hvatning og staðfesting á því að við erum á réttri leið.

Lesa frétt á vb.is